Бугун Қарши туманида мукаммал таъмирланган “Талликурон” оилавий шифокорлик пункти биноси фойдаланишга топширилди. ОШП эндиликда тумандаги Талликурон ва Шодлик маҳалласи аҳолисига сифатли тиббий хизмат кўрсатади. Бунинг учун шифохонада барча зарурий имкониятлар яратилди.
Айтиш керак, Талликурон ОШП таъмирталаб бўлганлиги сабабли капитал ва реконструкция ишлари олиб борилди, қўшимча янги 6 та хона қурилди. Бино инфратузилмаси яратилиб, атрофлари ободонлаштирилди. Қуёш панели ва иссиқлик геоколлекторлари ўрнатилди.
